លោក ជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា។
យោង តាមព័ត៌មានផ្លូវការពីទីក្រុងភ្នំពេញ លោក ជា ស៊ីម ប្រធានព្រឹទ្ធសភានិងជាប្រធានគណបក្សប្រជាជនកម្ពុជាដែលកំពុងកាន់ អំណាចបានអញ្ជើញចាកចេញពីប្រទេសកម្ពុជាកាលពីថ្ងៃទី២៤ វិច្ឆិកា ដើម្បីបំពេញទស្សនកិច្ចនៅប្រទេសយៀកណាមពីថ្ងៃទី២៥ ដល់ ២៧ វិច្ឆិកា និងនៅប្រទេសលាវពីថ្ងៃទី២៧ ដល់ ២៩ វិច្ឆិកា។
លោក ជា ស៊ីម ប្រធានព្រឹទ្ធសភា និងជាប្រធានគណបក្សប្រជាជនកម្ពុជា។ យោងតាមប្រភពដដែលនៅឯសាធារណរដ្ឋសង្គមនិយមយៀកណាម លោក ជា ស៊ីម និងគណៈប្រតិភូនឹងចូលជួបប្រធានបក្សកុម្មុយនីស្តយៀកណាម លោក នង ឌឹកម៉ាញ់ និងប្រធានសភាយៀកណាម លោក ង្វៀង ភូត្រុង ដើម្បីធ្វើកិច្ចពិភាក្សាការងារជាមួយគ្នា។ក្នុងដំណើរទស្សនកិច្ចនៅប្រទេសលាវវិញ លោកប្រធានគណបក្សប្រជាជនកម្ពុជា ព្រមទាំងគណៈប្រតិភូ ក៏នឹងចូលជួបធ្វើកិច្ចចរចាការងារជាមួយប្រធានសភាលាវ លោក ថងស៊ិង ថាំម៉ាវ៉ុង និងលោក ឈូម៉ាលី សាយ៉ាសន ប្រធានក្រុមប្រឹក្សារដ្ឋនិងជាអគ្គលេខាធិការគណៈកម្មាធិការមជ្ឈិមបក្ស បដិវត្តន៍ប្រជាជនលាវ៕
